صواني الحلويات الشرقية من عبد الرحيم قويدر، ألذ هدية لعزوماتك

الحلويات الشرقية، دائما بتكون ألذ هدية تفاجئ بيها ضيوفك، وعشان عارفين في عبد الرحيم قويدر إن عشاق الحلويات الشرقية كتير، عملنا صواني من ألذ نكهات الحلويات الشرقية زي، البسبوسة، والكنافة والبقلاوة وأصناف تانية كتير، جمعناهم ليك في مكان واحد من سنين معاك وحواليك في كل مكان.
جاهز تتعرف على ألذ نكهات الصواني الشرقية، يلا بينا:

بسبوسة بالبندق 

بسبوسة عبد الرحيم قويدر بالبندق من أشهر الحلويات الشرقية وليها معحبين كتير، وده لأنها بتتميز بقوامها الناعم اللي هيذوب في الفم، عشان كده هي معشوقة الجميع في كل المناسبات.

كنافة بالمكسرات

الكنافة بلونها الذهبي اللي هيخطف نظرك من اول ثانية، ده غير طعمها المقرمش وفي نفس الوقت هش، بقت مع مرور الوقت من أشهر الحلويات الشرقية اللي لازم تلاقيها في كل تجمع مع الأهل أو الاصحاب، لما هتجربها هتعرف الفرق بينها وبين اي نوع كنافة تاني جربته.

صينية نمورة كريمة

وطالما بنكلم عن الحلويات الشرقية، يبقي لازم نكلم عن ألذ ميكس ما بين الجلاش المقرمش والكريمة الدسمة اللذيذة، تقدر تستمتع بيها مع مشروبك الساخن اللي بتحبة أو تقدر تهادي بيها اللي بتحبة وارسم الفرحة علي وشة من اول قضمة. 

طبق عيش السرايا

لو ليك في الحلويات الدسمة اللي مليانة بنكهات لذيذة، يبقي لازم تجرب عيش السرايا، حلوي مليانة نكهات كل نكهة الذ من اللي بعضها وياسلام لو هتسمتع بيها مع قطعة من قشطة عبد الرحيم قويدر اللذيذة، حلو كده هيظبط مودك من أول لأخر معلقة، إختيار لذيذ جدا لو عندك تجمعات او عزومات. 

ملبن قشطة

من أول نظرة  هتفتكرها قطايف لكن في الحقيقة هي ملبن بالقشطة، وعلية رشة سكر بودرة لذيذة نقلت النكهة والمذاق لحتة تانية خالص.

حلاوة الجبن

هي تبان حلوي عادية جدا لكن في الحقيقة مش كده، هي عبارة عن سميد ممزوج مع جبنة المشللة السورية ولمسة كده لذيذة مع القشطة، لو جربتها مرة مستحيل متكونش من قوائم الحلويات الشرقية المفضلة ليك.

كنافة نابلسية بالجبنة 

يا تري إيه اللي هيحصل لو المذاق الحلو والحادق بقوا في حلوي واحدة؟
هيحصل شبهة إنفجار في بوقك من أول قضمة للكنافة النابلسية بالجبنة  من عبد الرحيم قويدر، لانها مش مجرد حلوي عادية، لا هي مزيج ما بين الكنافة النابلسية وجبنة العكاوي المشهورة بنكهتها المحتلفة ، جربها مع القطر اللي بيجي معاها وبنضمن ليك انك هتستمتع بحلوي صعب تقاومها وهتفضل دائما أحلي أختيار ليك.

كل الحلويات اللي فاتت، دي جزء بسيط من ألذ النكهات و الاصناف  اللي عبدالرحيم قويدر بيقدمها لعشاق الحلويات الشرقية، كل الحلويات الشرقية اللي بنقدمها معمولة زي ما الكتاب بيقول، ولو ليك في الحلويات الشرقية، هتأكد من ده بسهولة من أول قضمة، ده غير ان كل اللي جرب اي صنف من حلوياتنا الشرقية اللي بنقدمها ، بقينا أول والذ اختيار دائما بيجي في بالة لما يحب يستمتع باي صنف من الحلويات الشرقية ، او لو عندة عزومة ومحتاج حلويات شرقية مضمونة في النكهة والجودة أكيد.

كل الحلويات الشرقية اللي نفسك فيها او حابب تجربها، هتلاقيها هنا في عبد الرحيم قويدر، تقدر تطلب اللي نفسك فيه من حلوياتنا الشرقية من خلال موقعنا اوأحنا هنوصلة ليك في اي مكان او وقت تحددة او تقدر تختار أقرب فرع ليك ما بين أكتر من 20 فرع.

لو ليك في الشرقي اكيد هنكون أول اختيار ليك بألذ نكهات وأصناف  حلوياتنا الشرقية.