أحلي أنواع الحلويات الشرقية جمعنهم ليك في مكان واحد.

الحلويات الشرقية معروفة أنها اساسي في رمضان وإن كل عزومة أو مناسبة مش هتحلي من غير النكهات والأصناف اللذيذة اللي بتتميز بيهم الحلويات الشرقية.

ولو أنت من عشاق الحلويات الشرقية وخبير في كل أنواعها، أكيد هيكون للبقلاوة، البسبوسة، والكنافة نصيب في الحب ده، لأن كل صنف منهم له سحره ونكهته الفريدة التي بتميزه عن غيره، يعني البسبوسة مميزة عن باقي أنواع الحلويات الشرقية بقوامها الناعم اللي بيذوب في الفم من أول معلقة، أما الكنافة فهي دائماً معروفة بلونها الذهبي ومذاقها المقرمش، وبالنسبة للبقلاوة فالميكس بتاعها ما بين القوام الناعم والمقرمش في نفس الوقت بقت مع الوقت من أكثر الحلويات الشرقية المميزة والأساسية في أي عزومة أو تجمعات.

طب ما تيجوا نتعرف أكتر علي أشهر حلويات عبد الرحيم قويدر الشرقية؟

نبدأ بالقلاوة: 

لو بتحب الأفتكاسات يبقي أكيد هتحب تجرب  بقلاوة شيكولاتة من عبد الرحيم قويدر، هي عبارة عن بقلاوة مقرمشة وهشة في نفس الوقت مع إضافة لذيذة من الشوكولاتة ، طعم جديد في لمحبي البقلاوة.

بقلاوة عيون السلطان

بقلاوة عيون السلطان بتجمع ما بين طعم البقلاوة المقرمش مع شكل جديد هيخطف عينك من أول نظرة مع حشوة الكريمة اللذيذة ورشة من نهائية من الفستق الحلبي، طعم كده هيحلي كل مشروباتك الساخنة اللي بتحبها أو تجمعاتك، اختار الوزن اللي يناسبك واستمتع بيها علي ذوقك.

نمورة كريمة

من أشهر أنواع البقلاوة و الكل بيحبها ، نقدم لعشاق البقلاوة ، بقلاوة نمورة ، هي عبارة عن بقلاوة مقرمشة مع حشوة كريمة لذيذة طعم هينقلك لعالم كلة نكهات لذيذة و كمان بتعتبر من ألذ الهدايا اللي ممكن تقدمها لكل العزاز عليك.

وطالما بنكلم عن الحلويات الشرقية مينفعش ننسي البسبوسة والكنافة اللي بيعتبروا من أساس وأهم أنواع الحلويات الشرقية و اللي وجودهم اساسي في كل عزومة أو تجمع .

بسبوسة بالبندق – صينية

أساسية في كل عزومة و تعتبر من معشوقة الجماهير صعب حد يكون مبيحبهاش، لانها مميزة عن باقي أنواع الحلويات الشرقية، بقوامها الناعم الهش اللي بيذوب في البق، لذيذة مع كل أنواع المشروبات الساخنة و بذات كوباي شاي العصاري، كمان لذيذة مع قطعة قشطة لزوم المزاج.

كنافة بورمة بالفستق – بالوزن

شكلها جديد وطعمها لذيذ، هي تبان حاجة غريبة بس لما هتجربها هتعرف انها نفس كنافة عبد الرحيم قويدر المميزة، اللي بتكون كريسبي من برة و طازجة و فرش من جوه مع حشوة لذيذة من الفستق الحلبي، طعم هيحلي أي حاجة جانبة.

كنافة أساور بالنوتيلا – بالوزن

تخيل لما أكتر حاجتين بتحبهم يجمعوا في حاجة وحدة؟

دلوقتي هتقدر تستمتع بطعم النوتيلا اللذيذة اللي بتحبها مع كنافة عبد الرحيم قويدر المقرمشة المميزة.

مناسبة جدا لو هتقدمها هدية لحبايبك او ممكن تستمتع بيها لوحدك.

كنافة نابلسية بالجبنة – صينية

عمرك جربت جبنة مع كنافة؟

لو بتحب تجرب الجديد وعندك روح المغامرة، يبقي لازم تجرب كنافة نابلسية من عبد الرحيم قويدر، ميكس ما بين الحلو و الحادق، يعني ميكس مابين  الكنافة و الجبنة، طعم صعب يتوصف بالكلام لازم تجربة بنفسك علشان تقدر تكتشف المزيج في النكهات ما بين كنافة عبد الرحيم قويدر و الجبنة النابلسية.

مهما كان نوع الحلويات الشرقية اللي بتحبها ودائما بتحب تستمتع بيها في أوقات فراغك او مع حبايبك لو عندك عزومة عزيزة علي قلبكم هتلاقي كل الحلويات الشرقية  هنا في عبد الرحيم قويدر، جمعنا ليك في موقع واحد ألذ  نكهات الحلويات الشرقية، مهما كان نوع الحلويات اللي بتحبها سواء التقليدية او الجديدة هتلاقيهم عند عبد الرحيم قويدر.

تقدر تزور موقعنا وتختار الصنف اللي تحبه او تقدر تزور أقرب فرع ليك هتلاقنا حواليك في كل مكان، كل الفروع هتلاقيها هنا: فروعنا

يلا جهز الشوبينج ليست بتاعتك وإختارالحلويات الشرقية اللي نفسك فيه وحلي أوقاتك معانا وبألذ نكهات الحلويات الشرقية الجديدة او اللي معروفة.